MAGSASAKA

Madaling araw pa kung bumangon siya,

Halos sa magdamag kulang sa pahinga,

Gusto mang humimlay  hindi n’ya magawa,

Laging ina’lala  nakabinbing gawa.

Maghapon sa bukid siyang nagtitiis,

Hindi iniinda ang mga hinagpis,

Dahil ‘di pinalad trabahong de lapis,

Umaasa pa rin sa hirap’y maalis.

Minsan umaasa sa pamahalaan,

Kahit konting tulong  nawa’y maambunan,

Bahagyang umangat  kanyang kabuhayan,

Upang gawang bukid siya man ay ganahan.

Ngunit tila bakit parang sinisiil,

At pakiwari n’ya s’ya ma’y tinatakwil,

At kung damayan man minsan ay pa angil,

O diba’t kay saklap nakakapang-gigil.

Ngunit kahit hamak lang na MAGSASAKA,

Ang Pamilyang Pinoy siya ang pag-asa,

Niyog man o palay produkto pang iba,

Nang dahil sa kanya tayo’y may biyaya.

©MobiBard
Intellectual Rights Reserved.

Tatay Diego with grandchildren @ Farm Moro